മുന്നാക്കസമുദായക്ഷേമ കോർപ്പറേഷൻ (സമുന്നതി)

സംസ്ഥാനത്തു സംവരണേതരസമുദായങ്ങളി‌ലെ‌ സാമ്പത്തികമാ‌യി‌ പിന്നാക്കം നില്ക്കുന്നവരു‌ടെ‌ സമഗ്രപുരോഗതിയും ക്ഷേമയും ലക്ഷ്യമാക്കി കേരളസംസ്ഥാന മുന്നാക്കസമുദായക്ഷേമ കോർപ്പറേഷൻ (സമുന്നതി) വിദ്യാസമുന്നതി, സംരംഭസമുന്നതി, നൈപുണ്യസമുന്നതി എന്നീ പദ്ധതികളും സംരംഭകത്വനൈപുണ്യവികസനപരിശീലനപരിപാടിയും മുന്നാക്കവിഭാഗങ്ങളിലെ താഴ്ന്നവരുമാനക്കാരുടെ അഗ്രഹാരങ്ങൾ/വീടുകൾ നവീകരിക്കാനുള്ള ഭവനസമുന്നതി പദ്ധതിയും നടപ്പാക്കിവരു‌ന്നു‌.

20.1വിദ്യാസമുന്നതി

20.1.1വിദ്യാസമുന്നതി – സ്കോളർഷിപ്പുകൾ

ഈ പദ്ധതിയുടെ കീഴിൽ സാമ്പത്തികമായി പിന്നാക്കം നിൽക്കുന്ന സംവരണേതരസമുദായങ്ങളിലെ വിദ്യാർത്ഥി‌കൾക്ക് ഹയർ സെക്കൻഡ‌റി‌ തലം മുതൽ ബിരുദാനന്തരബിരുദതലം വരെയുള്ള പഠനത്തിനു് സ്കോളർഷിപ്പുകൾ നല്കുന്നു. സി. എ., സി. എം. എ.(ഐസിഡബ്ലിയു‌എ‌), സി. എസ്.തുടങ്ങിയ പ്രൊഫഷണൽ കോഴ്സുകൾ പഠിക്കുന്നവർക്കും ഐ. ഐ. റ്റി., ഐ. ഐ. എം., എൻ. ഐ. റ്റി.തുടങ്ങിയ ദേശീയനിലവാരമുള്ള സ്ഥാപനങ്ങളിൽ അദ്ധ്യയനം നടത്തുന്നവർക്കും എം.. ഫിൽ., പി. എച്ഛ്. ഡി.‌ തുടങ്ങി‌യ‌വ ചെയ്യുന്ന ഗവേഷകവിദ്യാർത്ഥികൾക്കും പ്രത്യേകം സ്കോളർഷിപ്പുകൾ ലഭ്യമാണ്.

പ്രതിവർഷ സ്കോളർഷിപ്പ് (2018‌-‌19‌-ലെ‌ നിരക്കുകൾ):

20.1.2വിദ്യാസമുന്നതി – മത്സരപ്പരീക്ഷാപരിശീലനധനസഹായപദ്ധതി

വിദ്യാസമുന്നതി മത്സരപ്പരീക്ഷാപരിശീലനസഹായപദ്ധതിയുടെ കീഴിൽ ഗുണഭോക്താക്കളാകു‌ന്ന‌ അപേക്ഷകർക്ക് മെഡിക്കൽ/എൻജിനീയറിങ്‌ പ്രവേശനപരീക്ഷാപരിശീലനധ‌ന‌സഹായവും തൊഴിലന്വേഷകരായ യുവജനവിഭാഗങ്ങൾക്കു‌ സിവിൽ സർവ്വീസസ്/ബാങ്ക്/പി.എസ്.സി.‌ തുടങ്ങിയ മത്സരപ്പരീക്ഷാപരിശീലനത്തിനും ധനസഹായം നല്കി‌വരുന്നു.

വിദ്യാസമുന്നതി – മെഡിക്കൽ/എൻജിനീയറിങ് പരിശീലനധ‌ന‌സഹായപദ്ധതി

ഹയർസെക്കൻഡറി വിദ്യാർത്ഥിനീവിദ്യാർത്ഥികൾക്കും ഹയർ സെക്കൻഡറി പരീക്ഷ പാസ്സായി രണ്ടു വർഷം കഴിഞ്ഞിട്ടില്ലാത്ത അപേക്ഷകർക്കും മികച്ച ഇൻസ്റ്റിറ്റ്യൂട്ടുകളിൽ മെഡിക്കൽ, എൻജിനീയറിങ് പ്രവേശനപ്പരീക്ഷാപരിശീലനത്തിന് ധനസഹായം നല്കിവരു‌ന്നു‌.

വിദ്യാസമുന്നതി – ബാങ്ക്, പി.എസ്.‌സി., മറ്റു മത്സരപ്പരീക്ഷകൾക്കുള്ള പരിശീലനസഹായപദ്ധതി

അഭ്യസ്തവിദ്യരായ ഉദ്യോഗാർത്ഥികൾക്ക് ബാങ്ക്, പി.എസ്.സി., മറ്റു മത്സരപ്പരീക്ഷകൾക്ക് മികച്ച ഇൻസ്റ്റിറ്റ്യൂട്ടുകളിൽ പരിശീലനം നേടുന്നതിന് 6,000 രൂപവരെ ധനസഹായം നല്കു‌ന്നു‌. അപേക്ഷകർക്കു‌ ബന്ധപ്പെട്ട തൊഴിലിന് ആവശ്യമായ കുറഞ്ഞ യോഗ്യത ഉണ്ടായിരിക്കണം.

വിദ്യാസമുന്നതി – സിവിൽ സർവ്വീസസ് പരീക്ഷാപരിശീലനധനസഹായപദ്ധതി

ഉദ്യോഗാർത്ഥികൾക്ക് സിവിൽ സർവ്വീസസ് പ്രിലിമിനറി, മെയിൻസ്, ഇന്റർവ്യൂ എന്നീ മൂന്നു ഘട്ടങ്ങളിലും വിദ്യാസമുന്നതി മത്സരപ്പരീക്ഷാ‌പരിശീലനസഹായപദ്ധതിയിൽ ധനസഹായം ലഭ്യമാണ്.

20.2നൈപുണ്യസമുന്നതി

സംവരണേതരവിഭാഗങ്ങളിലെ യുവജനങ്ങൾക്കു പുത്തൻ ദിശാബോധം നല്കു‌ക‌ എന്ന ആശയം ഉൾക്കൊണ്ട് നടപ്പിലാക്കുന്ന നൂതന തൊഴിൽനൈപുണ്യപരിശീലനപദ്ധതി. മുന്നാക്കസമുദായങ്ങളി‌ലെ‌ അഭ്യസ്തവിദ്യരാ‌യ‌ യുവജനങ്ങൾക്ക്‌ തൊഴിൽനേടിയെടുക്കുന്നതിനും സംരംഭകത്വനൈപുണ്യവികസനത്തിനും ഉള്ളതാണു‌ പദ്ധ‌തി‌.

20.3സംരംഭസമുന്നതി – (സ്വയംസഹായസംഘങ്ങൾക്കും കൂട്ടുത്തരവാദിത്തസംഘങ്ങൾക്കുമുള്ള ധനസഹായ പദ്ധതി)

സ്വയംതൊഴിൽമേഖലയിൽ കേരളത്തിലുടനീളം പ്രവർത്തിക്കുന്ന സംവരണേതരസമുദായാംഗങ്ങൾ ഉൾപ്പെട്ട സ്വയംസഹായസംഘങ്ങൾക്കും കൂട്ടുത്തരവാദിത്തഗ്രൂപ്പുകൾക്കും (SHG/JLG) സംരംഭസമുന്നതിപലിശസഹായപദ്ധതിയുടെ കീഴിൽ ധനസഹായം ലഭ്യമാക്കുന്നു.

SHG/JLG-ക്ക് ആറുലക്ഷം രൂപവരെയുള്ള ലോൺ തുകയുടെ 3% സ‌ബ്‌സിഡിയിനത്തിൽ ധനസഹായമായി ലഭിക്കുന്നു.

20.4ഭവനസമുന്നതി: അഗ്രഹാരങ്ങളുടെയും ജീർണ്ണാവസ്ഥയിലായ പരമ്പരാഗതവീടുകളുടെയും അറ്റകുറ്റപ്പണികളും പു‌നരുദ്ധാരണവും

നാശോന്മുഖമായികൊണ്ടിരിക്കുന്ന അഗ്രഹാരങ്ങളുടെയും ജീർണ്ണാവസ്ഥയിലായ വീടുകളുടെയും അറ്റകുറ്റപ്പണികളും നടപ്പിലാക്കിവരു‌ന്നു‌. മുന്നാക്കസമുദായത്തിലെ സാമ്പത്തികമായി പിന്നാക്കം നിൽക്കുന്നവർക്ക് രണ്ടുലക്ഷം രൂപവരെയുള്ള‌ ധനസഹായം അനുവദിക്കുന്നു.